Immigrante-ondersteuning
Ons verwys navraers graag na goeie inligtings- en ondersteuningsdienste wat nuwe immigrante ondersteun met hul sinvolle inskakeling in Nieu-Seeland. So beantwoord ons gereeld navrae van persone vanuit Suider-Afrika wat besig is met navorsing oor moontlike lande om heen te emigreer.
Omdat ons baie navrae ontvang en nie elkeen individueel op gedetailleerde wyse kan beantwoord nie, het ons begin om ons webblad uit te brei om ‘n basiese diens in hierdie verband te lewer.
So het ons bv. onder die skakel “koel skakels” vanuit ons tuisblad hofies wat na verskillende organisasies en instansies toe lei, soos “Nieu-Seelandse organisasies”, of “werksoekskakels”. Mense kan dan sulke webblaaie self besoek, kyk watter werkgeleenthede bv. in Nieu-Seeland bestaan, CV’s aanbied en aansoek om werk doen.
Net so is daar verskeie ander skakels na amptelike webblaaie wat interessante
en leersame inligting bevat oor die aanpassingsproses in Nieu-Seeland. wat
mense self kan besoek en na hartelus kan bestudeer.
"Brokkies" (E-nuusbrief) Advertensie prosedure
Brokkies is Die Afrikaanse Klub se weeklikse, elektroniese nuusbrief wat reeds aan byna 1,600 gesinne (sommige elders ter wêreld) gestuur word. Hierdie adreslys groei weekliks, namate ‘n toenemende aantal mense aandui dat hulle meer oor die Suid-Afrikaanse gemeenskap in Nieu-Seeland se doen en late wil uitvind.
Dit bevat kort besprekings van Klubprojekte, gemeenskapsnuus, werkgeleenthede, besonderhede van Afrikaanstalige kerkdienste, persoonlike advertensies en besigheidsadvertensies.
Hieronder word aangedui watter advertensies koste dra. In hierdie stadium
geld dit nog net vir persone in Nieu-Seeland. Hierdie reëling mag te
enige tyd verander. In verdienstelike gevalle sal oorsese advertensies gratis
geplaas word. Ongelukkig kan geen oorsese advertensies geplaas word van
persone wat werk soek voor hulle vertrek uit Suider Afrika nie.
Volg asseblief die prosedures noukeurig voor jy jou advertensies en betalings stuur.
"Geelbladsye"
Die Afrikaanse Klub se webblad bied ook ‘n diens onder die naam “Geelbladsye”. Suid-Afrikaners wat besighede in Nieu-Seeland bedryf, mag hierop gelys word. Ook Kiwi-besighede kan hierop gelys word indien Suid-Afrikaners daar werksaam is en ‘n bepaalde goeie diens/produk aan ander Suid-Afrikaners gelewer kan word.
Geelbladsye bevat nie advertensies nie, maar dien as ‘n telefoongids van besighede.
Volg asseblief die volgende riglyne vir plasing:
Prosedure
- Stuur 'n e-pos aan
met die volgende bewoording in die "subject"-lyn: "Geelbladsye"
- Noem dat jy jou besigheid op Die Afrikaanse Klub se webblad wil laat
lys.
- Sluit die volgende besonderhede in:
- Besigheidsnaam
- Beskrywing van besigheid (Een reel)
- Kontakbesonderhede (Naam van persoon, epos-adres, fisieke adres indien
nodig, telefoon-, selfoon- en faksnommer, webadres, ens.)
Belangrik:
- Plasing op "Geelbladsye" is nog gratis. Hierdie reëling mag in die toekoms verander.
- Die Klub kan geen verantwoordelikheid aanvaar vir die korrektheid van adverteerders se inligting, of vir die gehalte van hul diens/produkte nie.
- Adverteerders moet self veranderings aan die Klub deurgee.
