KiwiKasie se Hooffees met Jannie & Christa            <<terug


“Hittegolwe” te Wagte by Hooffees met Jannie & Christa!

Die voorprogram van KiwiKasie se Hooffees gaan “hittegolwe” ontketen! Alles vind plaas die aand van 4 Oktober om 6.30 in die saal van die City Impact Church, East Coast Road, Browns Bay.

Die blinknuwe Umoya Damesangroep sing nostalgies en humoristies oor ons wortels in Afrika, maar ook bruisend oor ons magiese nuwe land, Aotearoa. Die groep bestaan uit Edsia van Wyk, Marina Herbst, Lisa Meyer, Elma Myburgh, Magdel Hammond, Lorette Kok, Arina Grobler, Elisabet Edye, Annelien Piechazek, Maryke van Rooyen, Magdel Hammond en Carla van der Kooi. Die groep word afgerig deur Marinda de Villiers en Carel Broekman. As deel van hul vertoning sal Elisabet Edye en Annelien Piechazek ‘n baie kort drama opvoer.

Sanet Minnie en Jancke Bester sal verantwoordelik wees vir mimiek in die voorportaal. Die kookwater-Boereorkes van Nico Smit sal speel vanaf die oop bak van Karel van der Wat se 1928 Model A Ford-bakkie. Die Vaaljapies sing ‘n komiese item, soos geskryf deur liedjieskrywer Janine Nel. Janine Nel lewer ‘n duet met Renier Lee, asook saam met Washiela Carr... Die Auckland City Dukes (Kiwiland se Klopsegroep) gaan met rou energie en uitbundigheid bekende klanke en ritmes deur jou lyf laat spoel. Africapella, gewilde mannesangroep werk hard aan ‘n splinternuwe Afrikaanse aanbieding wat baie byval behoort te vind!

En dan, natuurlik die heel HOOFDIS!

Jannie du Toit en Christa Steyn! Jannie en Christa is van die moderne kunstenaars wat van die hoogste kwaliteit en afronding in hul lewende vertonings aanbied.

Hulle sing eerlik en opreg oor die lewe en beloof om almal op lang paaie van nostalgie te neem en terselfdertyd pragtige humor te gebruik. Lees meer oor Jannie en Christa hier.

Die Afrikaanse Klub organiseer gewoonlik vir ons kunstenaars toere in Nieu-Seeland. Met Jannie en Christa het ons ons mees ambisieuse poging tot nog toe geloods: Kyk maar na die lys hier onder. Ons het ook weer gefasiliteer dat Jannie-hulle ook deur Australië toer en werk saam met die Afrikaanse Klub in Australië in hierdie verband.

Die uurglas loop nou regtig leeg. Mense wat nie teleurgesteld wil wees nie, moet nou vinnig hul kaartjies koop. Volgens die meeste van die kaartjies se afsetpunte loop die kaartjies BAIE VINNIG, namate “laatslapers” ook in die kraal wil kom…

Vir die Kiwilandse optredes is kaartjies beskikbaar by die volgende plekke:


                                     terug na begin

kaartjies

  
opgedateer :: okt 2003