KiwiKasie 2003 - Rimpelfees <<terug
- KiwiKasie 2003
- Rimpelfees wil jy deelneem? <<
- Hooffees met Jannie & Christa
- Meer oor Jannie en Christa
- KiwiKasie 2003 Borge
"RIMPELFEES" Vol Vars Talent
Kom leer om soos 'n Maori die kapa haka te doen! Ja, dis een van die GRATIS
werkwinkels! Dit en BAIE meer vind plaas by KiwiKasie se "Rimpelfees" op
4 Oktober van 10.30vm tot 3nm op die perseel van die Northcross
Intermediate School, Sartors Avenue, Browns Bay, Auckland.
'n Vrek lekker Rimplelfees sal met sy, mens kan maar sê "Nama-laslappierok
van kulture", 'n belewenis soos min bring... Kom beleef die passie, kleure,
klanke, danse en tale van ander kultuurgroepe wat hierdie mooi land met ons
deel. Ons het groepe van Taiwan, Korea, Shebah Midde-Oosterse Dansers met
"bellydancing", Kenia, Sri Lanka, Viëtnam, Europa, Maori, Cook Island en ook
van die Kiwi-kultuur.
Die Lewende Woord Gemeente het ook twee jeuggroepe wat ons kom verras. Kom
gesels met die mense van die ander kulture en sien hoe hulle dit waardeer
as jy uitvra oor hul tale en kultuur. Kom proe-proe, kuier-kuier!
En dis GRATIS! Bring jou Kiwi-vriende. Die Afrikaanse Klub van Nieu-Seeland
het hierdie geleentheid geskep sodat ons kan uitreik na die Nieu-Seelanders
om ons.
Kom eet jou trommeldik aan Oom Fred van Fred's Fine Foods in Oteha Valley
Road, Albany, se lekker boerewors, die Lewende Woord gemeente se koffiehuis
en kerrie en rys en die Die Afrikaanse Christen Kerk se pannekoek. Die SA
Caffee bring allerlei snoepgoed, geskenkitems en ander verrassings. Die kinders
kan lekker taai kom word met die spookasem. Die meer gewaagdes kan kom proe
aan die manne van Napier se mampoer!
Volwassenes en kinders kan hulle hand kom waag aan al die pasella kunswerkwinkels.
Die kunswerkwinkels sluit onder andere in: "Henna Art", maskermaak, strokiesprent-teken,
Ritzie Heyns met haar kleigietwerk en Japannese kwaswerk en Geraldine Pieterse
met haar papierkuns. Kom geniet die uitstallings van die jong Afrikaanse seun-kunstenaar
Ludwig Wendtzig asook van Selvan Dharmalingua, wat albei 'n passie het vir
SA-wild soos die Groot Vyf. Daar sal ook allerlei interessante stalletjies
met klere, geskenke, Afrika-krale, juwele, ens. wees. Daar sal ook gewone
stalletjies wees, soos die met klere, Indiese lap, serpe, juwele, Afrika-krale
en Afrika-geskenke, ens.
Neem deel aan die Rimpelfees dagprogram
- Wil jy of jou groep graag aan ons dagprogram deelneem? (Die aand se program is reeds bepaal.)
- Wil jy graag ‘n kunsstalletjie (kunsuitstalling of kunswerkwinkel) bespreek?
- Of wil jy jou besigheid se stalletjie kom oprig?
- Of wil jy liewer net as "busker” kom optree?
- Kan jy mooi dans, ballet, ritmiese gimnastiek of iets soortgelyks doen?
Danksy ‘n finansiële borgskap van Nieu-Seeland se staatsinstelling,
Creative Arts, kan die Klub vanjaar sekere kunstenaars betaal
om kunswerkwinkels te kom aanbied. (lees ook wie is ons ander borge)
Die organiseerders sal bepaal watter kunsvorms vir hierdie subsidie sal kwalifiseer,
aangesien die fonds beperk is en nie lukraak vir enige belangstellende aangebied
kan word nie.
As jy kunstalente het (bv. decoupage,mosaïek, lyfverf (body painting),
handwerk, balonnekuns, kalligrafie, “gemors-tot-mode”, skilderwerk,
ens. skryf asb. aan
Skryf in die opskriflyn (subject line) “Kunswerkwinkel”, “Kunsuitstalling”,
of “Besigheidstalletjie”, “Musiekitem”, na gelang
van die geval. Vermeld dan in die epos jou belangstelling, meer inligting
oor jou kunsvorm of optrede en kontakbesonderhede (ook telefoonnommer, verkieslik
nie selfoon nie).
