Baie Boeke en ‘n WEDSTRYD vir Brokkies-lesers!
“Omdat heelwat mense blykbaar as gevolg van die vakansie ons Afrikaanse
Boekresensie-wedstryd misgeloop het, is besluit om die sluitingsdatum met
‘n maand uit te stel.
“Die nuwe sluitingsdatum is nou Maandag, 7 Maart 2005.
“Ons moedig graag elke volwassene en tiener – wat binne bereik
van die East Coast Bays-biblioteek in Browns Bay woon - aan om hierdie kans
te benut om ‘n Afrikaanse musiek-CD van jou keuse los te lees. Ja, die
Klub sal ‘n aantal koopbewyse uitreik, wat by die Bosmans se SA Kaffee
(in Howick) of hul SA Shop (in Howick) vir ‘n Afrikaanse musiek-CD van
jou keuse verruil kan word. (Beperk tot wat in voorraad sal wees.)
“Stuur asseblief jul inskrywings aan mariette@bosberaad.com
Die maksimum aantal woorde wat ‘n mens mag skryf, is 200, maar dit mag
ook in minder gedoen word! Spring gou! Daar is heelwat Afrikaanse musiek-CD’s
te wen!”
Loer na die Afrikaanse boeke op die biblioteek se webblad…
Om te kyk wat beskikbaar is, volg hierdie stappe:
1. Gaan na http://draweb2.shorelibraries.govt.nz/
2. Onder Highlight Books at, kies East
Coast Bays Library en kliek dan Start
3. Aan die onderkant van die volgende bladsy, tik in die
blokkie langs What’s it about:
- Afrikaans fiction (vir Afrikaanse storieboeke)
- Children’s stories Afrikaans (vir kinderverhale)
- Afrikaans language texts (Afrikaanse nie-fiksie)
- Afrikaans language texts children’s nonfiction
'n Beroep word op immigrante gedoen om die Afrikaanse rak te ondersteun. Hoewel ongelooflike toegeneentheid van ons Kiwi-vriende by die biblioteek ontvang is jeens die projek, kan hulle slegs met dienste voortgaan indien die publiek dit gebruik.
Boekresensie-wedstryd : Pryse te wen!
Vraag: Waaroor gaan die wedstryd?
Antwoord: Ons soek BOEKRESENSIES oor die Afrikaanse boeke in die East Coast Bays Library
Vraag: Is daar kategorieë?
Antoord: Daar is twee kategorieë:
1. Die beste resensies vir ‘n kinderboek (Meer as een prys beskikbaar)
2. Die beste resensies vir ‘n fiksie of nie-fiksie boek (Meer as een prys beskikbaar)
Vraag: Hoe lyk die pryse?
Antwoord: Die oorspronklikste resensies verdien elk ‘n lekker Afrikaanse musiek-CD.
Vraag: Hoe skryf ‘n mens in?
Antwoord: 1. Skryf die woord “Resensie” in die onderwerpslyn.
2. Vermeld die titel, outeur en die biblioteek se registernommer in die boek.
3. Verskaf jou naam, e-posadres, posadres en telefoonnommer.
4. Skryf dan jou resensie. (Nie langer as 200 woorde nie, maar mag korter wees.)
Vraag: In watter taal moet my inskrywings wees?
Antwoord: In Afrikaans, maar as ‘n Engelssprekende leser bv. ook van die Afrikaanse boeke lees, kan hy/sy gerus hul resensie in Engels aanbied.
Vraag: Wat is die sluitingsdatum?
Antwoord:Stuur jou resensies teen 7 Maart 2005 aan mariette@bosberaad.com (KOPIEER, ofte wel “CC” dit aan die.afrikaanse.klub@clear.net.nz om te verseker dat dit ons bereik.)
Vraag: Is daar ‘n beperking op die aantal inskrywings wat mens mag instuur?
Antwoord: Nee. En omdat jy dalk meer as een prys kan wen en dit self by een van die twee winkels gaan uitsoek, is daar geen gevaar dat jy ‘n CD waarvan jy nie hou nie sal ontvang, of dat jy duplikate sal ontvang nie.
‘n Bietjie agtergrond:
Net om die geheues te verfris: Hierdie is fase twee van ons Afrikaanse boekeprojek,
wat verlede jaar begin het met die opening van ‘n boekrak vir nuwe Afrikaanse
boeke by die East Coast Bays-biblioteek in Browns Bay, Auckland. Toe het die
ATKV in Suid-Afrika - deur hul uitgewery, Lapa Uitgewers – die eerste
stel aan Die Afrikaanse Klub geskenk.
Vanjaar het die Klub besluit om $4,000 van ons opgeboude fondse op ‘n
uitbreiding van die versameling aan te wend. Mariette McClement het dit geselekteer
en vanuit Suid-Afrika aangekoop. Die Bosmans van die South African Kaffee
in Browns Bay en die South African Shop (in Howick, Auckland), het in albei
gevalle die boeke GRATIS na Nieu-Seeland vervoer. Die tweede stel is nog nie
op die rak nie, maar ons sal mettertyd vertel hoe die projek vorder.
