Winterdans was ‘n heerlike sukses! (7 Augustus 2004)

Die Afrikaanse Klub van NS se jaarlikse Winterdans van die afgelope naweek het baie goed afgeloop - die groot rugby ten spyt. Oud en jonk het soos gewoonlik saam op die dansvloer gedans op talle soorte musiek. Daar was weer ‘n hele paar Kiwi’s wat tot toemaaktyd gebly en ook saam probeer “langarm” het! Dan praat ons nie eens van die lekker sop, REGTE worsbroodjies en lekka Jan Ellis-poeding wat deur die Mocke-gesin aangebied is nie!

Danksy Wilna Joubert (Die Afrikaanse Klub se Sosiale Koördineerder) was dit ‘n baie goeie dans en he tons goeie terugvoering ontvang. Een persoon het opgemerk: “Julle Klub se danse raak net beter en beter!” Wilna het by die SA Kaffee in Browns Bay, Auckland ‘n hele klomp geborgde geskenke gekry – van Suid-Afrikaanse wyne tot Springbokpette en allerlei ander mooi en lekker dinge.

Hiermee ‘n groot DANKIE aan Wilna en die Hefer-gesin wat soos gewoonlik gehelp het dat alles glad verloop het. Baie dankie ook aan die Bosmans van die South African Kaffee vir hul voortgesette ondersteuning en borgskap.

Klik gerus hier vir al die foto’s van die geleentheid.