Oujaarsdans
Die Afrikaanse Klub van Nieu-Seeland het aan die einde van verlede jaar seker
sy mees suksesvolle Oujaarsdans nog aangebied.
Groot getalle sokkiejol-liefhebbers het opgedaag en gou moes mense hul opvoustoele
uit die motors gaan haal om sitplek in die ruim East Coast Bays Leisure Centre
in Browns Bay, Auckland te kry.
Soos gewoonlik is allerlei dansstyle - langarm, los dans, lyndans en “treintjies”
- tot groot vermaak van ander sokkiejollers op die heerlik-gladde dansvloer
uitgestal. Die goeie musiekverskeidenheid deur Jerry en Benita Loretz het
gehelp om ‘n baie goeie atmosfeer te skep. Die breedste spektrum ouderdomsgroepe
het die dans bygewoon en dit was goed om te sien hoe almal saam op ordentlike
wyse kan baljaar en ontspan. Die atmosfeer was gunstig vir enkellopendes,
jong paartjies en gesinne en almal kon die aand hartlik geniet.
Die Oujaarsdans was vet pret; kyk na die foto's
van die geleentheid.
Lentedans
Heerlike pret ... foto's
Vir KiwiKasie 2006… Lucas Maree & dogter Monica!
Die Afrikaanse Klub van Nieu-Seeland bring in September 2006 vir Lucas Maree
na Nieu-Seeland vir KiwiKasie 2006. Ses jaar gelede was Lucas ook hier, toe
die Klub die eerste keer ‘n Afrikaanse sanger na Nieu-Seeland gebring
het, vir die eerste KiwiKasie. Hierdie keer kom Lucas met ‘n mengsel
van ou gewilde treffers en heelwat nuwe liedjies om met Afrikaanse Kiwi’s
te kom deel. Lees
verder.
Winterdans
Die jaarlikse Winterdans is weer in Junie gehou en was dit pret ! Foto's
Olie daai litte!’ - Dewald en Frikkie hou konsert
Elke liefhebber van lekker opgewekte Afrikaanse musiek mag hierdie konsert nie misloop nie… Dewald en Frikkie – Auckland se gewilde Afrikaanse musiekpaar – hou op 1 Julie hul eerste eie konsert. Hulle sal heelwat van die liedjies speel wat reeds gereed is vir hul eerste Afrikaanse musiek-CD bestem. Lees verder
Afrikaanse Kiwi’s wys hul gewildste Afrikaanse treffers aan
Die immergewilde Afrikaanse liedjie Kinders van die Wind is deur Afrikaanse Kiwi’s aangewys as hul top Afrikaanse liedjie van alle tye. Koos du Plessis se weergawe het Laurika Rauch se weergawe van dieselfde lied met ‘n kortkop geklop. Lees verder
argiewe terug na begin
