DOZI vir KiwiKasie 2010!
 |
 |
 |
 |
 |
 |
 |
 |
 |
 |
 |
 |
Die Afrikaanse Klub van Nieu-Seeland probeer al sedert 2007 om ‘n ooreenkoms met Dozi te bereik om Nieu-Seeland te besoek en het die onderhandelinge met Dozi se verteenwoordiger, Louis van Wyk van Music Profile Management, deurgehaak en kan aankondig dat hy van 13 tot 24 Oktober 2010 in Nieu-Seeland sal wees vir ‘n reeks konserte met die hoofkonsert te Auckland op Saterdagaand 16 Oktober.
Die Hoofkonsert in Auckland
Die hoofkonsert vind vanjaar in die Bruce Mason Teater in Takapuna plaas. Die Bestuurskomitee van Die Afrikaanse Klub van Nieu-Seeland het uit ervaring met vorige konserte geleer en besluit om die konsert in die Bruce Mason Teater aan te bied sodat konsertgangers vooraf die plekke kan bespreek waar hulle graag wil sit en nie ure voor die tyd moet toustaan om ‘n lekker sitplek te bekom nie. Daar is ook voldoende parkeerplek beskikbaar.
Kaartjies vir die hoofkonsert in Auckland verkoop reeds soos soetkoek!
Voornemende konsertgangers kan by enige uitlaat van Ticket Master, of per telefoon of internet, hulle kaartjies koop. Omdat Dozi baie gewild is en daar slegs 1100 sitplekke beskikbaar is, word belangstellendes versoek om vinnig te spring om hulle kaartjies te koop ten einde teleurstelling te voorkom. Met Steve Hofmeyr se onlangse konsert is 1000 kaartjies gou-gou uitverkoop en moes ‘n tweede konsert gereël word. In Dozi se geval sal ‘n tweede konsert nie moontlik wees nie.
Afslag vir Klublede
Die Bestuurskomitee het besluit om ‘n korting van $5 per kaartjie toe te staan aan ingeskrewe lede van die Klub wie se ledegeld vir 2010/2011 op 31 Julie 2010 reeds betaal was. Die korting sal so werk: lede koop hulle kaartjies normaalweg by Ticket Master teen die aangeduide prys. Die aand van Dozi se konsert in Auckland sal ‘n verteenwoordiger van die Klub voor die aanvang van die konsert by ‘n tafel in die portaal van die Bruce Mason Teater sit en elke opbetaalde lid, soos hierbo genoem, kan dan vir elke kaartjie (slegs vir sy eie gesinslede natuurlik), ‘n kontant terugbetaling van $5.00 per kaartjie gaan opeis by vertoning van sy pers ledekaartjie wat geldig is tot 31 Maart 2011.
Ondersteun asseblief ons borge
Omdat dit sommer ‘n sak vol geld kos om ‘n kunstenaar en sy span hier te kry, is die Klub afhanklik van borge om Dozi se konserttoer deur Nieu-Seeland moontlik te maak sodat hy ook op die dorpe en stede met kleiner getalle Suid-Afrikaners kan optree en om die pryse van kaartjies bekostigbaar te hou. As teenprestasie ontvang sulke borge natuurlik maandelange advertensie-blootstelling in Brokkies, op plakkate en tydens die hoofkonsert in Auckland.
Die volgene persone of ondernemings het reeds aangedui dat hulle die toer sal borg:
1. Ankerborg – dit is die onderneming wat die toer “anker” en die grootste borgskap op die tafel sit.
Ons Ankerborg vanjaar is die ervare versekeringsman Herman Roodt van Mutual Financial Services Ltd met sy kantoor in Torbay op Auckland se North Shore. Sy telefoonnommers is 09 473 0880 ddi, 09 473 0881 of 021 736 030 en sy webblad is www.mfs.net.nz. Herman doen reeds 12 jaar versekeringswerk in Nieu-Seeland. Lees hier meer.
2. Hoofborg
Ons Hoofborg vanjaar, netsoos verlede jaar, is Erica Nothnagel van Silver Fern Immigration met haar kantoor in Howick in Auckland se oostelike voorstede. Erica is ‘n gelisensieerde immigrasie-adviseur en haar telefoonnommer is 09 533 6059 en haar webblad is www.silverfernimmigration.co.nz. Lees hier meer.
3. Steunborge
Ons het vanjaar twee steunborge, naamlik
· Die South African Shop van Rosedale Road op Auckland se North Shore. Francois en Elsabé Esterhuysen se telefoonnommer by die winkel is 09 478 8016 en hulle het twee webblaaie www.southafricanshop.co.nz en www.saproducts.co.nz. Jy kan SA produkte by hulle winkel koop of oor die internet van hulle webblad bestel. Hulle lewer oral per koerier af. Lees hier verder.
· Rudi Weideman van Salvus Systems, ‘n Sekuriteitsmaatskappy wat in die groter Waikato opereer met sy hoofkantoor in Hamilton. Rudi se telefoonnommers is 021 0275 1025 en 07 839 3451 en sy webblad is http://www.salvuscctv.co.nz/
Volledige toerprogram
Met enkele uitsonderings het ons reeds al die inligting ontvang ten opsigte van Dozi se optrede op die verskillende dorpe en stede in Nieu-Seeland en ons verstrek dit hieronder:
Optreeplek |
Dat/Tyd |
Aanbieder |
Skakelpersoon |
Kaartjies |
Hamilton |
15 Okt |
ACK - Hamilton |
Sam en Stephanie Maritz |
Volwassenes $35.00 |
Auckland |
16 Okt |
DIE AFRIKAANSE |
Thys Oosthuizen |
Volwassenes $40 en $35 |
Whangarei |
17 Okt |
ACK - Whangarei |
Gert Volschenk 09 438 4455 gertvolschenk@yahoo.com |
Besonderhede volg later |
|
18 Okt |
|
|
|
|
19 Okt |
|
|
|
Hawkes Bay |
20 Okt |
ACK – Hawkes Bay |
Nanette Bonthuys |
Volwassenes $30 |
Rotorua
|
21 Okt |
André Alberts |
André en Madeleine Alberts |
Volwassenes $30 |
Wellington |
22 Okt |
ACK - Wellington |
Marlize de Meyer |
$30 / volwassene |
Christchurch |
23 Okt |
Safonz |
Werner Allers 027 389 6007 |
$25 / volwassene & kind bo12jr |
Ashburton |
24 Okt |
Jan & Arna Joubert |
Jan & Arna Joubert |
Kaartjies by Ticket Direct 03 307 2010 of www.ticketdirect.co.nz |
Die Afrikaanse Klub sê dankie...
Nie al ons lesers is bewus van die groot kostes wat dit verg om gewilde kunstenaars uit Suid-Afrika in te bring om hier in Nieu-Seeland in verskeie dorpe en stede te kom optree nie. Om die pryse van kaartjies bekostigbaar te hou, is Die Afrikaanse Klub van Nieu-Seeland afhanklik van borgskappe soos hierdie en daarom gee die Afrikaanse Klub graag erkenning aan Francois en Elsabe vir hulle groot bydrae om vanjaar se KiwiKasie moontlik te maak en ons weet dat al die mense wat Dozi se konsert gaan bywoon, eweneens net groot waardering sal hê vir ons borge wat dit moontlik gemaak het om KiwiKasie teen billike pryse aan te bied.
Daarom het ons die vrymoedigheid om te vra: ondersteun asseblief ons borge!
argiewe terug na begin
