2009

Hier komme MEGA Opskop!

(Dewald)

Hier komme MEGA ding! Saterdagaand 5 Desember. Die deure maak alreeds 5 nm oop sodat jy ‘n lekker tafel kan annekseer vir ‘n aand se vermaaklikheid van “mega” proporsies wat om 6 nm afskop met ‘n GROOT opwindende VOORSKOU van plaaslike kunstenaars!

Dewald en Frikkie het laat weet dat hulle graag die volgende inligting onder lesers se aandag wil bring:

• Daar sal HEERLIKE boere kos soos boerewors rolle, Kerrie en rys, kerrie vetkoeke vanaf die kombuis te koop wees vanaf 5 nm en pannekoek vir nagereg en biltong en ander dinge vanaf die SA Shop van Browns Bay wat ‘n stalletjie daar sal hê. Daar sal ander stalletjies ook wees met ander goeters te koop – dit alles vanaf 5 nm!! Die kos word te koop aangebied deur die Afrikaanse Christen Kerk van Nieu-Seeland se Auckland-gemeente.
  
  
• Bring slegs jou eie drankies, want HEERLIKE kos sal daar wees vir Afrika!!(ners)!!
  
  
• Moenie bekommerd wees om ‘n ‘kiddie-oppasser’ te moet huur vir die aand nie – bring jou kleuter ‘kiddies’ saam OPSKOP MEGA toe – daar sal ‘n kinderoppasser wees wat in ‘n aangrensende lokaal binne die Leisure Centre na hulle sal omsien en daar sal ‘n TV wees met ‘kiddie’-DVD’s sodat jy jou aand kan geniet terwyl jy weet jou ‘kiddies’ is onder toesig en hulle kan maar net “crash” daar totdat julle hulle oplaai om huis toe te gaan na afloop van die aand.
  
  
• ‘Kiddies’ van 6 jaar en jonger kom gratis in.
  
  
• Ons het ‘n FANTASTIESE voorprogram van hoogstaande gehalte. Vermaakliheid deur professionele en semi-professionele kunstenaars wat julle NIE moet mis nie!! Ons het meer as 20 top-kwaliteit gas-kunstenaars opgelyn vir ‘n goeie “show”. So kry ‘n LEKKER tafel alreeds wanneer die deure oopmaak om 5 nm, want daar sal deurlopende aktiwiteit wees en heerlike kos!!
  
  
• OPSKOP MEGA van 5 Desember is totaal op ‘n hoër vlak wat nog nooit ervaar was hier in Nieu-Seeland nie!! Dis dans, dans, dans met die nuutste treffers van Suid-Afrika “live” en vermaaklikheid op die hoogste vlak. ‘n Aand wat nie maklik vergeet sal word nie.
  
  
• Olie daai litte voor die tyd!! (Dis belangrik.)
  
  
• Dit is absoluut ‘n gesinsvriendelike geleentheid waar almal hulself met Afrikaanse lewendig uitgevoerde musiek kan geniet, asook die ander vermaaklikheid wat daar aangebied word gedurende die aand.
  
  
• Ons bedank die Afrikaanse Klub van Nieu-Seeland vir hulle promosie van hierdie geleentheid, asook al ons adverteerders van Afrikaanse besighede, wat ons verlede keer op Brokkies genoem het en hulle kontakbesonderhede is op alle bemarkingsmateriaal.

ONTHOU: Ons beplan glad nie om kaartjies by die deur op die dag/aand beskikbaar te maak nie – kaartjies word voor die tyd verkoop vanaf SA shops in Browns Bay, Howick, Rosedale en Fred’s Fine Foods waar jy kontant moet betaal, maar jy kan met jou kredietkaart betaal en aanlyn jou kaartjie(s) koop by www.linksouthafrica.co.nz!!

Waarom na ‘n winkel toe ry vir jou kaartjies?? Kry jou kaartjies onmiddellik deur op die volgende skakel te klik: http://www.linksouthafrica.co.nz/default.aspx?url=infolinkEntertainmentThings-to-See-and-Do/opskop-mega